EDITORIAL

Enge Kan Dam Chhan?

Tunlai thil thleng tam tak te ka rilruah an lo lut a, hman ni lawk a naupang kum tlinglo kan veng mi in a pawngsual a an thah zui takte kha kan ngaihtuah chhuak a, a rapthlak in engtinnge a tih theih zawk le ka ti. Ka phak tawk in ka lo ngaihtuah ve mai mai a, kha thil thleng kha engvanga ti nge a nih ang aw ka ti a, hmeichhiat mipat kawnga hurherh luatvang em ni ang? Lo ni ta se nga ti nge naupang kher kher an sual duh tlat le? A beisei ang a hmu in ka ring silo a. Suahsual vang hrim hrim em ni ang? Ka rilru a vak thui hle mai a, mihring hi kan va lo sual thei tak em. Han ngaihtuah mai pawhin mihring in a mihring pui vek rawng taka an sawisa thei te leh amah ti na let ve thei miah lo tur naupang chunga heti em em mai a an nunrawng ta mai hi awih pawh harsa ka ti in na ka ti. Engtin nge a tih theih zawk le!

Heti tak mai a mihring rilru piansual tirtu hi enge kan tih chuan setana hnathawh sual a ni. Kan hmelma pa hian ruihtheih thil chi hrang hrang leh nawmsakna chi hrang hrang, sum leh pai hmeichhiat/ mipat (sex) etc… hmang te in min bei a. A chhan tam tak a awm thei awm e, chung zinga chuan mihring te hian kan dam chhan/kan mission hi kan hre chiang lo ni in a lang. Enge kan dam chhan chu ni ta ang le?

Nulat/tlangval a mi? nge ruihtheih thil? Sum leh pai maw? Kan dam chhan dik tak zawk a chu “KAN THIH HUN” atan a nung mai mai hi kan lo ni a lom le” tih hian a sawi kim thei ber awm e. Pathian rawngbawlna tur hi kan va la ngah tak em, A bik takin kan veng chhung/ kan khawtlangah hian thlarau bo eng zat tak awm ang maw? Chuvangin kan dam lai a kan thil tih a zirin kan thihhnu in kan awm dawn si a. Tute pawh hian kan thihhnu hun tur thlir ran in nunkawng hi chhiar ta ila chuan tun ai chuan kan zia ngei ang.