SALEM BRANCH KTP-TEN BRANCH DAY PUALIN THISEN PE DAWN

Salem 21st November, 2010:- Kum 2010 Branch Committee-in a lo pawm tawh Salem Veng Branch K|P din champha ‘Branch Day “ hman ve nise tih a a lo rel tawh chu a tak ram a chang dawn ta. Tun “Inrinni 27 November , 2010” hian Branch Day pualin Presbyterian Hospital  Durtlang tan Kohhran Hall ah Thisen pek (Blood Donation Camp) run pui neih a ni dawna, hetah hian Branch chuan K|P member zawng zawngte Thisen pe vek turin min ngenin minsawm a ni. He mi ni hian Member ten kan pek vek theina turin Branch chuan ruahmanna a siama, Thisen pek hi zing Dar 8:30 a\anga pek \an thei tura ruahman a ni. Hna leh \ul dang kan nei a nih pawhin mahni rem chan hun milin Thisen hi pek thei a ni a, Thisen pek hi ngaipawh \heuh turin Member- te kan insawm tak meuh meuh a ni. Thisen pe turte chuan zing chaw ei hram turin Hospital lama thawk ten min ngen a ni. 

Salem Branch Kristian |halai Pawl hi Kum 1977-a Section K|P a  nih pawhin Venghnuai Field Veng Kristian |halai Pawl hming puin a lo inkhawm hrang ve tawh a. June 1, 1977-a Field Veng Preaching a lo pian hnu lawk June 27th, 1977 zan a\angin Section K|P in a lo ding ve leh a. Hemi zan hian hruaitu turte thlan a ni a, chung mi hruaitu hmasa thlan chhuah te chu:- 

     Leader : Pu H.Lallungmuana

     Asst. Leader : Pu H.Lalngaizuala (L)

     Secretary : Pu Ramnundanga

     Asst. secretary : Pu Lal\huama

     Treasurer : Pu Laltinliana

Kum 1978 November ni 19-a kohhran puitlinga hlankai kan nih tak khan , K|P pawhin hun thar a tawng chho ve zel a. 1977 November Ni 27 Thawh\an zan a\ang chuan Branch puitling Salem Branch K|P tih a lo ni ta a ni. Salem Veng Branch din tirh lai hian Member mi 51 emaw chauh a ni a, a kum khat sum thawh chhuah pawh Rs.1,298/- a ni.

LAWRKHAWM

• Vawiin hian Aizawl East Masihi Sangiti Inkhawmpui chu Venghnuai Presbyterian Kohhran Biak In ah neih a ni a, Kan in luah hnamdang te an awm a nih chuan Inkhawmpui vek turin min ngen a ni.
• Tunlai hian Kohhran hmalakna in Kristian chhungkaw Campaign neih mek a ni a, Kohhran ho ten i \awng\aipui \hin ang u.
• K|P Evangelical Sub-Committee- te bul tum in Ni 25 November, 2010 ( Thawhlehni) zan hian Khawlai a Pathian thu chah puan chhuahna ( Street Preaching) nei a ni dawna, he tah hian K|P Member te leh hetiang lama tuimi aduh apiang te tel turin an sawm a ni.
• Kohhran Hmeichhia te chuan Hmeichhe ni November 26, 2010 chu ruai nen ropuitakin lawm an tum a ni
• Zanin Inkhawm ban hian \awng\ai rualna neih leh tur a ni a, Hruaitu atan Nl.Lalrinawmi a ni ang.

ZAIPAWL HRIATTIRNA 

Vawiin chawhman inkhawm ban hian Kohhran Zaipawl ten Hall-ah hla zir leh tur a ni.

VAWIIN LIBRARY DUTY TUR TE :- Nl K.Lalngilneii   &    Tv Lallawmawma

HRINGNUN..

American Civil War lai khan vawi khat chu sakawr chunga chuang sipai Officer hian gate a lo kaltlang dawn a. Gate vengtu chu a hmaah lo dingin silaiin a lo tin a. 

'Ding rawh, saw tah tunge kal? tiin a zawt a. (Gate kaltlang tur hian Password hriat angai a, vengtu hian he Officer hi a hriat ngai loh a ni a. An pawl Password a zawt a ni) 

Officer chuan, 'THIAN' tiin a chhanga. A dik tlat lo, vengtu chuan kah hlum mai a tum a. Mahse a zawt nawn leh a. Officer chuan "LINCOLN' tiin a chhang leh a. A dik lo fo mai. 

EDITORIAL...

Simna thu hi miten an sawi fo thin. Thu \ha tak a nih pawh kan hria. Mahse, sim chuang si lova ngaithla liam kan tam \hin avangin kohhran/ khawtlangah simna hnu hma a lang thei lo. Sim hi kan ngaih ang ngawt thil awlai a ni lo a niang. Thinlung thlak tihna a ni. Sual hliam tawrh vanga lungngaihna hi sim a ni lo. Sual huat a, sual tihduhdahna leh tih chakna a\anga tihduh tawhna lama rilru thlak thleng a ni. 

Bible chuan heti hian a sawi “ Mi suak sual chuan a awm dan chu ban san sela, mi fel lo chuan a awm dan chu bansan bawk rawh se,” a ti a. A ropui khawp mai a. Mi suak sualin an awm dan an ban san chu a \ha hle a. Mi fel lo sual lam ngawt ngaihtuah \hinin a ngaihtuahna bansan chu thil lawmawm tawpkhawk a tling ngei ang.  Mahse, unau te u, chutah chuan a thuchah a titawp lo. “Lalpa hnenah kir leh rawh se, anin a ngaidam nasa khawp dawn si a,’ tih a la awm. Lalpa hnena kir leh a ngai tel tlat \hin. 

HNEHTU LAL ISUA - Rollick Lalnuntluanga

He khawvel kan dam chhung hian ringtu ten thlemna chi hrang hrang kan tawk thin a, a chang chuan chu thlemna chuan min ti lungngai a, kan rum thin a ni. 

Mihring leh Pathian inkar thu, Sual leh chhandamna thu te chu kan hre bel hle tawh a, Lal Isua chu kan Lal leh chhandamtu atan kan pawm a, a hnenah kan inhlan ngei a. Chutih rualin engvangin nge he khawvelah hian kan la rum cheu ni le. He khawvel chunga roreltu leh engkim chunga thu neitu chu kan Lal leh chhandamtu a nih si chuan engvang nge ni ta? Ngatinge he khawvelah hian tihduhdah leh hrehawm a kan la awm cheu ni ti te in kan inzawt thin. Chanchintha puandarh leh rawngbawlna kawng kan zawhnaah te pawh harsatna namen lo leh mualphona, tihduhdahna nasa takte kan tawrh thin le?

EDITORIAL...

Thlarau nun a chauh thinna chhan hi kan ngaihtuah ngai em? Pathian thua tuihalna reng reng nei lova kan awmna chhan hi kan ngaihtuah ngai em le? 

Mizo Kristian tam zawkte hian kan thlarau nun kan enkawl kawngah hian thatchhiatna lian tak mai kan nei a. Chu chu fianriala mahnia hunbi neia Pathian biak (Personal Devotional Life) hi a ni. Nautein a hriselna atana a nu hnute tui a mamawh ang bawk hi a ni. 

Johana 15:4 ah chuan, ‘Keimahah awm reng rawh u, kei pawh nangmahniah ka awm reng ang. Peng chu grep hruia a awm reng loh chuan amahin a rah thei lo ang bawkin, nangni pawh keimahah in awm reng loh chuan in rah thei lo vang’ tiin Isua’n min hrilh. 

LAWRKHAWM

• Salem Veng Presbyterian Kohhran Ramthar Committee techu Ni 8 November, 2010 khan Kaisanari Kohhran Biak In |hutthleng siam in an feh chhuak a, Ni 13 (Inrinni) khan Pathian kaihruainain tluang takin an lo tleng leh ta.
• TBZ in Maharastra-a Missionary- a an tirh Pu R.Laltlanthanga te Nupa chu Chhungkaw thil pawimawh avangin chawlh hmangin an lo haw a, Dec. ni 11-ah an kal leh dawn niin hriat ani.
• Kohhran Hmeichhia te chuan Kohhran Hall Stage-a hman tur Screen nalh tak an lei thar.
• Kan Member pui K.Lalhruaitluanga (L.Kid-a) chuan Ni 19 Nov. zirtawpni hian Lalrindiki Khatla Nursery Veng chu Salem Presbyterian Kohhran Biak In ah Tiamtlat e a tih pui dawn. Peniel Editorial Board chuan kan lawmpui hle.
• Zanin Inkhawm ban hian \awng\ai rualna neih leh tur a ni a, Hruaitu atan PuM.S.Dawngliana Ralte a ni ang.

ZAIPAWL HRIATTIRNA

Zanin inkhawm ban hian Kohhran Zaipawl ten Hall-ah hla zir leh tur a ni.

VAWIIN LIBRARY DUTY TUR TE :-  Pu H.Lalsiammawia   &    Nl.Lalhrilzuali

KOHHRAN MIPUITE HRIATTIRNA

Vawiin chawhma inkhawm ban hian Kohhran Mipui ten Kristmas kan hmandan tur Biak In ah relna neih tur a ni a, Kohhran Mipui-te tel vek turin kan in hriattirin kan inngen a ni.

SALEM BRANCH KTP-TE REIEK AH BETHEL THLALAK TLEM

Click the photo to Enlarge 

SALEM BRANCH KTP-TE REIEK AH BETHEL

Salem 07th November, 2010:- KTP member ten nghakhlel taka kan lo thlir, Tisa leh Thlarau a intuai thar lehna hun ‘Member pumpui Bethel ’ neih ni se tia kumtir lama Branch Committee-in a lo pawm tawh chu Pathian kaihruai na leh Kohhran mite \awng\aina avangin tluang takin November 5 (zirtawpni) khan Mizoram a tlang hmingthang tak Reiek tlang ( Prayer Sanctuary) hmunah Bethel na neih a ni a, he hunah hian Pathian Thlarau thianghlim hnathawh a lang nasa hle a ni. member te Bethel na hmun kalna atan hian Bus 2 hman a ni a, Bethel-na a hian Branch K|P Member bakah fatu te nen Mi 70 chuang zet Bethel-in an kal a, heti zat kan member Pathian tan a in seng so ngam kan neih hi kan Branch pawh kan van nei hle a ni. Chutih rualin Tisa lam ah hma kan sawn ang bawk hian Thlarau lamah pawh hma kan sawn a ni tih chiang takin alang thei bawk, Bethel-na a kal zawng zawng te chuan hlawk thlak an tiin zawng chhang thlak an ti hle ani.

Click the photo to Enlarge

TANPUI I NGAI EM?

Taksa, rilru leh thlarauvah harsatna i nei em? Thlarauvah harsatna i tawk em? Relationship a buai avangin i rilru a hah thin em? Ruihhlo bawihah i tanga, tanpuitu i mamawh em? Evangelical Sub-Committee chuan Puih che kan in huam e!

Contact: 9436353101, 9862564703,9856740928

LAWRKHAWM

• Salem Branch K|P Committee- te chuan ni 4 Nov, 2010 zan khan thla thar Committee an nei a, he hun ah hian Bialtu Pastor Rev.Lalneihvura an a telpui a ni. Thu pawimawh tak tak an ngaituah a, thurel \hen khat kan hriat awm chite Branch in Kumin chhungah kan Project Blood donation Camp, Branch pumpui Bethel, Keyboard, K|P pual In sak(Running) te hi tih hlawh tlin turin a rel a ni.
• Hezekia & Malakia Group te chuan ni 1 Nov, 2010 zan khan Group Night hlimawm tak an hmang a, Member inkhawm zawng zawngte chung ah group hruaitute ten lawmthu an sawi. Hezekia group te chuan group sum tuak nan electric leh tui bill pek hlawh turin an khawn mek a, group hruaitu te chuan Bial neitute mahni bial \heuh \hahnemngai taka lo khawn turin an ngen.
• Zanin Inkhawm ban hian \awng\ai rualna neih leh tur a  ni.

VAWIIN LIBRARY DUTY TUR TE :- Nl.K.Lalngilhneiii    &     Tv.C.Lalngaihawma

ZAIPAWL HRIATTIRNA

Vawiin chawhma inkhawm ban hian Kohhran Zaipawl ten Hall-ah hla zir leh tur a ni.

TWNGTA I TAWNGTA I ! !

Vawiin tlai hian Chaw nghei ah \awng\ai na neih tur a ni a, K|P Member leh Kohhran Mipui aduh apiang te tel \heuh turin kan sawm a che u. Hruai tu atan :-Nl.T.C.Lalrinzuali

NOVEMBER THLA KOHHRAN INKHAWMA THAWHLAWM KHAWN TURTE:-

1. Nl.Laledenthari 2.Nl.P.c.Lalhmingsangi 3. Nl. B.Lalthlamuani 4. Nl.K.Ramngaihsangi

NOVEMBER THLA K|P INKHAWMA HLA HRUAI TU TURTE:-

1. Tv.Lalfamkima Tlau 2. Tv.Lalhruaitluanga 3. Tv.P.C.Vanlalmuanawma

EDITORIAL...

Mihringte hi Pathian in kan chunga ro a relnaah hian kan hmanhmawh fo thin a. Keimahni ham\hatna leh nawmsakna kan thlakhlelh luat avang hian Pathian hi tlai thinah kan ngai fo thin. Pathian hnathawh leh thiltihte kan nghah hman loh avangin keimahni duh danin chak takin kan kal a, kan dai phelh pheng phung reng a ni. Amaherawhchu Pathian hi a tlai ngai lova, a hun takah a ropuina leh thiltihtheihna a lanchhuah tir zawk thin. Amah beiseia A chunga rinna nghat thin tute hi a tithlawn ngai lo a ni. Huaisen taka Amah tantu leh Amaha rinna zawng zawng nghattute tana a rinawmzia chu Bible ah pawh tam tak kan hmu a chungzing chuan Daniela leh a thiante chungchangah pawh chiang takin kan hmu a ni. 

Ringtu inti tamtakte hian Pathian hi kan ring zo lo fo thin a, Amah kan rin loh avang hian a hnathawh lo thlen hmain kan lo phatsan fo thin. A malsawmna kan dil a, a chhanna kan hmuh hmain hmanhmawh takin kan duh angin kan lo chet khalh a, nupui pasal te pawh kan dil a min pek hmain kan lo inru fo thin a nih hi. Hei hi kan rinna duap lutuk vang a ni thei em?

Amah ringtute chunga Pathian hnathawh kan hmuh hian Pathian tlai ngai lohzia kan hmu a, keimahni kan hmanhmawh lutuk avang hian a tlai thinah ah kan lo ruat mai mai thin zawk a lo ni. Hawh u Daniela leh a thiante ang hian Lalpa hnathawh lo thleng tur chu rinawm takin nghak thing ang u, ‘min chhanchhuak dawnlo mahsela milem chibai ka buk lovang’ ti ngam khawpa Amah ringtu leh beiseitu hi Pathian hian a ensan mai mai ngai lo. Tlai ngailo Pathian hian kan thatna turin kawng engkim min ruahman saka, kan dilna leh ngennate min chhang tur hian a tlai ngai love.

LAWRKHAWM

• Naktuk November ni 1 zan hi Hezekia & Malakia Group Night hun tur kha a ni a, tlai dar 2 hian Night hmanna tur singsa leh Refreshment buaipui in hnatlan an tum a, Group memberte hnatlang theuh turin an in sawm e.
• October ni 30, Inrinni khan Zakaria leh Nehemia group te chuan chite lui ah Blanket su in hnatlang an nei a, Member hnatlang a thawk chhuak zawng zawng chungah group hruaituten lawmthu an sawi.
• Vawiin hi Pastor Bial fan programe a nih avangin Youth & Children For Christ Inkhawm a awm lo vang.
• Venghnuai Pastor Bial kohhran Hmeichhia te chuan ni 22 - 24 October khan Tripura ( Agartala) Ramthar Field an tlawh a, Pathian kaihruaina in tluang takin an lo thleg leh ta.
• Zanin Inkhawm ban hian \awng\ai rualna neih leh tur a ni a, Hruaitu atan Tv.Lallawmthanga a ni ang.

VAWIIN LIBRARY DUTY TUR TE :- Nl.P.C.Lalhminghlui   &  Tv.Lallungmuana

ZAIPAWL HRIATTIRNA

Vawiin chawhma inkhawm ban hian Kohhran Zaipawl ten Hall-ah hla zir leh tur a ni.

HRINGNUN

Zankhat chu mumang ka nei a. ka mangah chuan tuipui kam sir velah hian kehniak phahnih ka hmu a. Kehniak pakhat zawk chu Lal Isua kehniak a ni a. Pakhat chu keima kehniak a ni a.

Tuipui kam vela Lal Isua kehniak leh ka kehniak kal dun chuan he khawvel kawngtluana Lal Isuan min awmpui zia leh min kaih reng zia a entir a. Mahse kan kehniak chu ka en zel a, a changin pakhat chauh te a lo awm thin a. Mak ka ti hle mai a. Kehniak pakhat chauh awm lai hun chu ka harsat chang te, ka lungngaih chang te, ka khawhar changte leh hrehawm ka tawrh chang te a ni lo ni thin a

Tichuan Lal Isua hnenah chuan a chhan ka zawt ta a. Lalpa engah nge ka lawm lai te, ka hlim lai te khan mi kalpui avangin ka bulah i kehniak a awm reng thin a. Mahse ka lungngaih changte, ka harsat changte, ka khawhar chang tein i kehniak a bo a, thlamuang taka awm tur min tih si chuan engah nge khan ka hun hrehawmah khan min kal san ka ti a.

Lal Isua chuan, 'Ka fapa, i lungngaih chang te, i hrehawm lai te, i khawhar lai te khan ka kalsan tawp lo che. Khang hunlai a kehniak pakhat chauh i hmuh kha keima kehniak a ni a. I phhur a rih em avangin ka thlazar hnuaiah ka pawm kang thin che a ni' a ti a.

                                                                                                      - Johana 14:27

EDITORIAL

Enge Kan Dam Chhan?

Tunlai thil thleng tam tak te ka rilruah an lo lut a, hman ni lawk a naupang kum tlinglo kan veng mi in a pawngsual a an thah zui takte kha kan ngaihtuah chhuak a, a rapthlak in engtinnge a tih theih zawk le ka ti. Ka phak tawk in ka lo ngaihtuah ve mai mai a, kha thil thleng kha engvanga ti nge a nih ang aw ka ti a, hmeichhiat mipat kawnga hurherh luatvang em ni ang? Lo ni ta se nga ti nge naupang kher kher an sual duh tlat le? A beisei ang a hmu in ka ring silo a. Suahsual vang hrim hrim em ni ang? Ka rilru a vak thui hle mai a, mihring hi kan va lo sual thei tak em. Han ngaihtuah mai pawhin mihring in a mihring pui vek rawng taka an sawisa thei te leh amah ti na let ve thei miah lo tur naupang chunga heti em em mai a an nunrawng ta mai hi awih pawh harsa ka ti in na ka ti. Engtin nge a tih theih zawk le!

Heti tak mai a mihring rilru piansual tirtu hi enge kan tih chuan setana hnathawh sual a ni. Kan hmelma pa hian ruihtheih thil chi hrang hrang leh nawmsakna chi hrang hrang, sum leh pai hmeichhiat/ mipat (sex) etc… hmang te in min bei a. A chhan tam tak a awm thei awm e, chung zinga chuan mihring te hian kan dam chhan/kan mission hi kan hre chiang lo ni in a lang. Enge kan dam chhan chu ni ta ang le?

SALEM BRANCH KTP-TE REIEK AH BETHEL DAWN

Salem 31th October, 2010:- K|P member ten nghakhlel taka kan lo thlir, Tisa leh Thlarau a intuai thar lehna hun ‘Member pumpui Bethel ’ neih ni se tia kumtir lama Branch Committee-in a lo pawm tawh chu a tak ram a chang dawn ta! Zirtawp ni , November 5 hian Mizoram a tlang hmingthang tak Reiek tlang ( Prayer Sanctuary) hmunah Bethel na neih tur a ni a, he hmun hi Mizoram Prayer Network ten \awng\aina hmun bik liau liau a an siam a ni. Bethel na hmun kalna atan Bus 2 hman tur a ni a, K|P Member atam thei ang ber kal i tum \heuh ang u. K|P Member pumpui Bethel na atan hian Branch pawh a inbuatsaih nasa tawh hle a ni.

Bethel Programme tlangpui chu hetiang hi a ni:

Kim hun                                              : Tuk\huan ei kham Dar 9: 00 am

In nghahkhawmna hmun                     : Senior Hall

Hruaitu                                                : Pu Lalawmpuia

Bethelna hmun a hruaitu atan              : Pu Lalthawmmawia Bawihtlung

Chhun thingpui in hun atan                  : Dar 1 : 00 pm

Chawhnu \an hun a hruaitu atan          : Dar 1: 30 pm Pu H. Lalsiammawia

Tlai ban dawn a hruaitu atan               : Dar 3: 30 pm Tv. H lalhmachhuana

Tin, Bethel zan hian Biakinah Programme neih leh tur a ni a, he hun hi Sharing leh lawmthu sawi \awng\aina hun tur atana ruahman a ni. hruaitu atan Pu C.Lalnuntlinga ( Chairman Evangelical Sub-Committee) a ni ang.

Note:- 1) Bethel kal tur zawng zawng te chuan Bible leh hlabu ken vek tur a ni.

2) Bethel tur te a thei kan awm chuan zing chaw nghei ni se.

3) Bethel na a kal tur te chuan a theih hram chuan zuk leh hmuam tihloh ni se.

4) Bethel na a kal tur te chuan Cell Phone pawh mahni Bag a dah hram ni se .
5) Bethel na a kal tur zawng zawngte chuan (Tiffin) pai \heuh tur a ni.

LAWRKHAWM

•  Venghnuai Pastor Bial kohhran Hmeichhia te chuan ni 22 October zing khan Tripura (Agartala) Ramthar Field tlawh turin an chhuak ta \awngtaina ah i hria ang u.
• Kan Branch hruaitu hlun tak Lalzarmawii Varte chuan Lalsangliana Sailo Khawbel chu ni 22 khan Khawbel Presbyterian kohhranah tiamtlat e a tih pui ta.Editorial Board ten kan lawmpui e. 
• Nehemia group te chuan group sum tuak nan ni 30 October ah hian Blanket su in an in hlawh dawn a, Blanket lo suk tir \heuh turin group hruaitu tuten Kohhran mipui te an ngen, Bial nei tu ten mahni bial theuhah loh zawh tur a ni e.
• Ni 30 October hian Zakaria group te chuan Sum tuak nan Blanket suk an tum a, group hruai tuten ni 25 Oct.ah en fel thei tur a, \ha hnen ngai tak a lo zawt turin Bial nei tute an ngen.
• Peniel Cir.Manager zinga mi Pu M.S.Dawngliana Ralte chuan Fanu thar duh awm tak a neih avangin Peniel Editorial Board chuan kan lawmpui hle.
• Zanin Inkhawm ban hian \awng\ai rualna neih leh tur a ni a, Hruaitu atan Nl.R.Vanlalhruaii.
• VAWIIN LIBRARY DUTY TUR TE :- Pu H.Lalsiammawia   &  Nl.Zothanmawii

                                               ZAIPAWL HRIATTIRNA

Vawiin chawhma inkhawm ban hian Kohhran Zaipawl ten Hall-ah hla zir leh tur a ni a, Kohhran Zaipawl member la ni lo, zir thar tur kan awm a ni pawhin engtik lai pawhin zaipawl member-ah a la in pek thei reng a ni.

                                          K|P FELLOWSHIP PROGRAMME

                                                 Dt.24.10.2010(Pathianni tlai)

                                         A hmun                        : Senior Hall

                                         Tan hun                       :  3:00 pm

                                         Hruaitu                        : Nl.K.Lalhmingmawii

                                         Hla thlang tur te          : 1) Pu C.Vanlalzauva

                                                                               2) Nl.Varzikpuii Varte 

                                                                               3) Nl.Lalruatfeli (B-7)

                                                                               4) Nl.K.Lalthanpuii

                                    ( |awng\ai rual leh hla thlan hun atan hman tur a ni a.)

                                 

EDITORIAL

“Nangnin min thlang lo, keiman ka thlang zawk che u a, va rah tur leh in rah awm reng turin ka ruat bawk a che u;…” Johana 15:16 a ti a. He bible chang atang pawha chiang taka kan han hriat theih leh hmuh theih chu Pathianin a rawngbawl turin min thlang a, rawngbawl mai chauh ni lovin kan rawngbawlna khan rah chhuak a nei tur a ni tih leh kan rah chhuah te pawh awm reng turin min duh zia a sawi a ni. 

Kohhran mite inti te zingah leh rawngbawlna chi hrang hrang thawktu te zingah pawh hian Pathianin min duh dan ang taka rawngbawl lo mahni duh dan dan leh mahni peih tawk chauh a rawngbawl hi kan tam in ka ring thin! Kan thahnemngaihna in rawng kan bawla, kan rilrua tha ni a kan hriat ang zelin rawngbawlnaah hma kan la chho va. Damlo tawngtai sak na neih te, chaw ngheia tawngtai te, tlaivara tawngtai te, thil dang dang pawh a tam ang. Tha ni a kan hriat angin Biak in hlat te kan kawm a, theihtawp kan chhuah ve thin. Chuti ni si lova, kan beih ve chiam chuan thil tha, Pathian duhzawng hlir pawh ti thin mah ila, kan rawngbawlna khan rah chhuak a nei lo fo thin a ni. Sam 127.1 – “Lalpan in a sak loh chuan a satute chuan an thawkrim thlawn mai a ni” a tih ang hian, kan thawhrimna, tha ni a kan inngaih na, fing leh hria ni a kan inngaihna, kan thahnemngaihna a\ang chauhva Pathian rawng hi kan bawl anih chuan kan thawkrim thlawn fo thei dawn alo nih chu.

DUHTHLANNA SANG BER - By Denis Lalfela sdb, Rome.

Kristian State ni a inchhal Zoram a zu leh drugs ngawlvei tamzia ngaihtuah la, duhthlanna dik siam a harsatzia i chhut thiam ngei ang. Zing thawh phat atangin duhthlanna siam tur kan nei. Kan nun pum nghawng thei duhthlanna chu fimkhur taka siam a tul thin. A leiba tam tak rulh nan putar pakhat hi a chenna in mawi tak hralh a, in chhe taka a insawn a tul ta a. A khawsak a nawm thin em avangin a thenawmte chuan an huphurhpui ngang aniang, “Ka pu, khi in chhia leh chep takah khian i hlim meuh ang maw?” tiin an zawt sek mai. Putar chuan, “Khi inah khian eng harsatna pawh tawk ila hlim taka nung turin duhthlanna ka siam fel ta” tiin a chhang mauh mai a, a tum tlat avangin a hlim chho ta. Sual hnathawh leh sual hneh tum a duhthlanna sang ber siamte nihlawhzia i thlir ho dawn teh ang.

LAWRKHAWM

• Venghnuai Pastor Bial kohhran Hmeichhia te chuan ni 21 October hian Tripura (Agartala) Ramthar Field tlawh turin an kal dawn a, Bial chhung Kohhran hrang hrang a\angin mi 30 vel kal tur a beisei an ni.
• Tunlai hian Kohhran Kristian chhungkaw Committee te hmalak na in Kristian chhungkaw Campaign nei mek a ni.
• Zakaria group Asst.Leader atan Tv.C.Laldinthara leh Asst.Secretary atan Tv.Lallawmawma te ruat thar an ni.
• Nehemia group te chuan group sum tuak nan ni 30 October ah hian Sangha zawrh an tum a, Bial nei tu ten mahni bial theuhah loh zawh tur a ni e.
• Hezekia group te chu Tui Bill leh Electrict Bill pe in an inhlawh a, inhlawh na siam sak tute leh Bial nei tute chungah group hruaitu ten lawmthu an sawi.
• Zanin Inkhawm ban hian \awng\ai rualna neih leh tur a ni a, kohhran mi leh K|P member aduh apiang te tel turin an sawm. Hruaitu atan Pi F. Lalngaihzuali a ni ang.
• VAWIIN LIBRARY DUTY TUR TE :-       Nl. P.C.Lalhminghlui  &    Tv.Lalchawimawia

                                                      ZAIPAWL HRIATTIRNA

Vawiin chawhma inkhawm ban hianKohhran Zaipawl ten Hall-ah hla zir leh tur a ni a, Kohhran Zaipawl member la ni lo, zir thar tur kan awm a ni pawhin engtik lai pawhin zaipawl member-ah a la in pek thei reng a ni.

                                                         TANPUI I NGAI EM?

Taksa, rilru leh thlarauvah harsatna i nei em? Thlarauvah harsatna i tawk em?Relationship a buai avangin i rilru a hah thin em? Ruihhlo bawihah i tanga, tanpuitu i mamawh em? Evangelical Sub-Committee chuan Puih che kan in huam e!

Contact: 9436353101, 9862564703,9856740928

HRINGNUN

Hmanhmawh takin mi pakhat hi Rel Station-ah a rawn tlan a. Ticket zuartu hnenah, 'Dar 8:01 Rel hi engtikah nge a chhuah ang?' a rawn ti a. Ticket zuartu chuan, 'Dar 8:01 ah' a lo ti a.

'A nih leh, ka sana ah Dar 7:59 a ni a, Town sana ah 7:57 a ni a, Station sana ah 8:04 a ni a, Eng ber hi nge ka rin ang?; tiin a zawt let a. ''I duh ber ring rawh, mahse Rel chu a chhuak tawh, i tlai tawh'' tiin a chhang a.

Dar kar tinin, minit tinin Pathian lo kal hun a hnai reng a. A hun tak chu kan hre lo. Mahni duh danin hun kan hmang zel a. Mahse Pathian hun erawh a danglam lo a, kan sana nena en mil theih a ni lo. Kan duh hun niloin Aman hun a tih ah a lo kal mai dawn a ni.

Rela zin tur khan Station sana ring loa ama sana a rin avangin a tlai ang khan keini pawh mahni duh dana hun kan hman chuan Vanram kal tur Thlawhtheihna kan nang lo ngei ang.

Aw Kraws

Hla thu Pakhat chuan ‘Aw Kraws, Aw Kraws Pathian thiltihtheihna’ tiin a lo sawi. Kraws kha Pathian thiltihtheihna a ni a, chutihrualin heti zawng hian lo thlir ve thung ila. Lal Isua Kraws a an khenbeh dawn khan duh se a vantirhkohte a ko thla ang a, an chhanhim ngei ang. Nimahsela chutiang ti lovin Khawvel chhandam nan a nun a hlan ta zawk a ni. A thih dawn zan a Olive tlang a a \awng\ai lai pawh khan thih chu a hreh ve em em a, a pa hnenah pumpelh a dil hial a nih kha. Chutiang tak a thihna rapthlak kha tuar lo thei a ni. Damlo te ti dam a, pharte ti thianghlim a, Mitthi te hial kaitho theitu khan duh se zawng thihna kha a pumpelh thei ngei ang. Mahse a pa thu zawmin thihna a hmachhawn ta a ni. Kraws ah hian Lal Isua, Thiltihtheihna nei khan thil a ti thei ta lo a ni. Min chhandam a duh vang zawkin. 

Keini Isua ringtu in ti thinte hian ringlomite tihtheih ang tihtheih kan va ngah thin tak em ti ru. Eiru thei, Rukru thei, Chapo thei, Itsik thei, Mipathmeichhiatna a khawlo thei, inthlahdah thei, tawngtai tlem thei, Bible chhiar tlem thei, Inkhawm tlem thei, Rinna tlem nei thei ringtu kan ni fo thin a nih hi. Heng zawng zawng te hi ringtu te chuan Kraws hrerengin kan tihtheihloh a tul ang.

KEIMA’N KA CHAWLHTIR ANG CHE U

Pathianin A fapa Isua khawvela a tirh chhan chu mihringin chawlhna dik a hmuh theih nan a ni. He chawlhna hi hahdamna, thlamuanna, zalenna tih nen thuhmun a ni. Khawvel sakhaw chi hrang hrang in an zawng a. Hmu/ nei/ dawng inti pawh an awm fo thin. Mahse, Pathian thu hian chu chawlhna chu hrilhfiah dan hran a nei a, a man fuhlo tan chuan hriatthiam pawh har tak a ni. He chawlhna thu hi ringtu leh ringlo tute ngaihven ber pawl a nih avangin Isua min zirtir dan Matthaia 11:28 – 30 atangin kan zirho dawn a ni.
I. Pakhatna ah chuan – Chawlhna chu tute tan nge? (Chang 28) Isuan “Nangni thawkrim leh phurrit phur zawng zawngte u …” an ti phawt a. Pathian in chawlhna a tiam hi thenkhatte tan chauh a ni lo va, mi zawng zawng tan a siam a ni. Mi zawng zawng tan a siam chu chang turin a hnenah kal a ngai, ‘Ka hnenah lo kal ula’ tiin a sawi chhunzawm kha. Isua hnena kal si lo va a hnena chawlh chu theih loh tihna a ni. Johana lehkha thawn pakhatna 1:6 ah chuan “Thima awm siin, “Amah ka pawl,” kan tih chuan dawt kan sawi a ni…” tih ziak a ni. Mi lungngai, thawkrim inti te min sawm a, Isua hnenah I kal ang u.

Sialsuk Branch tlawhna leh Hmuifang Tlang thlalak

Thlalak te hi lian zawka i en duh chuan thlalak hi i click dawn nia

HRINGNUN

            Mi pakhat hian vawi khat chu mumang mak tak a nei a. A mumangah chuan vanramah lak chhoh a lo ni a. Vanram tuallai vela a vah a vah lai chuan Isua nen an intawng thut a. Isua chuan, 'Thiana, lo kal teh leia mihring te khu i thlir teh ang' a ti a.

            Pathianni zing a ni a. Mi te chu Inkhawm turin Biak In lam an pan sup sup a. Van atang chuan an thlir reng a. Zai hruaitu in Piono a han hmet vel te chu a hmu reng a, mahse a ri engmah a hre thei lo a. Mi te chu an zai thup thup a, an ka âng te chu a hmu thei a, mahse an zai ri a hre thei bawk si lo a. Thuhriltuin thu a rawn sawi a, inkhawm te chu an ding a, an thu leh thin a, tawngtai turin an kâ an âng a, mahse chu pa chuan engmah a hre thei chuang lo.           

COMMITTEE

                         JOINT COMMITTEE

                   HEZEKIA & MALAKIA GROUP

               A hmun   : Kohhran Senior Hall

              Tan hun   : Dar 11: 30am (ChawhmaInkhawm ban)

              Agenda    : Group Night Programme

   (Hezekia & Malakia group Committee ten i ngai pawimawh ang u)

LAWRKHAWM

• Mizoram Synod hnuaia inkhawmpui lian ber dawttu, Presbytery Inkhawmpui chu ni 7 Oct atang khan biak-in hrang hrang a tan a ni a, Presbytery Inkhawmpui hi Synod puipate’n hmun hrang hrangah an hmanpui a ni. Tin, kan presbytery inkhawmpui pawh Republic East Kohhran ah hman mek a ni bawk. 
• Ni 7 oct. zan khan Branch Committee neih a ni a, thu pawimawh tak tak an ngaituaha, thurel kan hriat awm chi te Central leh Bial Budget Rs.26,000/- tlak nise, Tin, missionary chawmna Rs.12,000/- pek ni bawk se a ti a ni. 
• Ni 5 zan khan Kohhran Hmeichhia te chuan Rampum huap tawngtai tlaivar na hun an hmanga, kan Kohhran Hmeichhia te pawhin he hun hi hmangin mi 20 chuang hret tlaivarin hun an hmang a ni. 
• Zanin Inkhawm ban hian tawngtai rualna neih leh tur a ni a, Hruaitu atan Pu Lalthanfela a ni ang.
• Vawiin chawhma inkhawm ban hian Kohhran Zaipawl ten Hla zir loh tur a ni e.
• VAWIIN LIBRARY DUTY TUR TE : Nl.Lalzarmawii Varte  &  Pu K.M.S.Dawngtluanga

SIALSUK ZUNZAM

# Sialsuk kal zinga sam man to ber te : Nl Debbie leh Nl Lalrinawmi (Sahuai)

# Sentea pawh zan dar 12.00 velah an thlen in pa nen an in be hnai khawp mai...Thlen in pa chuan hrehawm chu a ti ve ngawt ang.

# Tv Diktea (Fin.Secy) pawh hi Sialsuk kal zingah thlenin nula te ngaihzawng neih leh neih loh zawt awmchhun a ni.

# Tv.Danny Tlankima pawh Hmuifang tlang kan han thleng chu han chen viau a duh a,mahse chen vak ngaihna a hre lova. A thianpa Amosa nen tlangah a lum vak vak

mai.An lum zawh ah inla baby tawkin balhla an ei.

# Tv.Muana pawh tleirawl a bum theih theih te thla alak pui nasa hle ani.

# Tv Dora pawh a thlen in nu in ‘I tlangnel mah mah a ni’ ati.

# Tv Hlute a pawh athlen in ah ankasa tlak chiah an lo hmeh sia,Dora thlen na ah a insawn thla leh hmiah.Nula chang hi a duh Cial lo,chawhmeh pawh a duh Cial viau a ni.

# Nl Mapuii (Big Girl) pawh a nui ring lutuk a,a bus chuanpui ten motor ri hre miah lovin Sialsuk an thleng.Mak ve tak chu a ni...

# Nl.Teremi pawh Sialsuk tlang kal chak lutuk kha,tlai dar 5;00 velah amah chauhvin tlang ahan lawn a,inkhawm pawh a tlai phah vek.

# Tv Lawma te thian ho in inkhawm ban ah nula an rim leh a,WaiWai pack 4 lai mai Tv Sente lei chu an nula rim chuan a chum hmin sauh sauh a,Chuat ah an thlauh baw

vek mai chu an inhnuai arte zawng zawng nen WaiWai rim an nam huam huam mai.

# Pu Opa pawh a thlen in kha ui bawh na ah a chhinchhiah a,inkhawm ban a haw chu ui a lo bawk tawh silova.Dar 12 velah a thlen in a zawng kual zak zak mai.

# Pu Manuna pawh nula lo chu thla alakpui peih vak lo.Kan veng tleirawl te leh Sialsuk tleirawl ho chu a lakpui kim thawkhat hle.

# Tv..Oh..Pu Rema pawh Salem Br.mipa zawng zawng Stage ah an ko chhova,Pa ni tawh zawng an chhuk thlak tir leh a,a chhuk duh bik der lo.(Materema pawh an nawt chiam a a chhuk duh bik chuang lo)